بلاوي نيوز …
عمي وداعة خالتي نومية ضاع ميناء الفاو، عفاريم عليكم، خوش سؤال وخوش جواب. .
متى يُنجز المشروع ؟. عند انتهاء المشروع. حلو تمام، وما عدنه واحد نشكيله مصيبتنا غير نلطم على وجوهنا ونحمد الله ونشكره. .
هاي سالفة فرحان تذكرني بسايق تريلة، سألته: هم يوم وگعت بمشكلة وانته تسوق بالليل ؟، گال: أي خوية. يوم من الايام كنت انه وصديقي فاضل بطريق الناصرية، گلت له: فاضل منو ؟. گال فاضل من اهل الديوانية متعرفه، متزوج ابنية من السماوة، اخوها ملازم بالجيش، الملازم قرايب عصام الحلاق اللي بيتهم بالزعفرانية يم المولدة الجبيرة، الملازم اسمه علاء وعنده اخته لمياء كانت طبيبة اسنان بمدينة الطب وطلعت تقاعد، خطية ميصير عدها جهال، فطلگها رجلها، وراحت تزوجت واحد اكبر منها بخمس سنوات، وفتحت عيادة بالكاظمية.
هسه مدري عليمن جبناها، عمي والله داخت روسنا وطلعت ارواحنا منكم ومن تصريحاتكم، كلشي ما نفتهم منكم. بس شي واحد عن ميناء الفاو اللي متصيرله چارة. .