بقلم : د. سمير عبيد ..
تمهيد :
١-إلى الرئيس محمد السوداني “حفظه الله ورعاه ” هل الوزراء متمردين عليك أم ان كل وزير بكيفه وباتفاق فيما بينكم؟ هل كان همك ومدگوگك توصل إلى رئاسة الوزراء وبعدها يطب الشعب مرض ؟ لو الحل والربط بيد السفيرة الأميركية او شخص آخر؟ فهموا الشعب حتى يعرف الحقيقة حتى يروح يخاطب السفيرة او يخاطب الشخص اللي عنده الحل والربط !
٢-مايصير يارئيس الوزراء (حفظك الله ورعاك) تباوع على فشل الوزراء والوزارات والمؤسسات وعلى الفساد والتقاعس واهانة المواطن وضياع حقوق الناس وعلى الغلاء والضيم ونقص الخدمات ( وين القسم بالقرآن الذي أقسمته ؟ وين برنامجك السياسي؟ وين خططك وين مستشاريك ال ١٧٠ ؟ معقولة تصدمنا بيك وانت اللي كنا نتوقعك المنقذ ونوري سعيد الجديد ؟
أولا : هل دريت ان وزير التربية حاكم بأمره ويحمي المزورين والفاسدين ؟ هل سمعت مدير تربية الكرخ مزور لشهادته والوزير يحميه ويمنع ارسال اوراقه للنزاهة ويمنع خروج كتاب تزويره للدوائر ؟ هل تدري ان مناصب الشيعة داخل مديريات تربية بغداد وخصوصا التربية في الكرخ ماخذيها السنة ؟ هل تدري اللي جاب هذا المزور وخلاه مدير تربية هو مزور شهادته ايضا وتريدون تخلونه رئيس برلمان وهو زياد الجنابي ؟ هل تدري ان الفساد بوزارة الصناعة كارثي وما يلبس عليه ثوب وبطل الفساد فيها زياد الجنابي والوزير ؟ هل تدري راح يأخذون اراضي نادي الصناعة ويعملونه استثمار بين الوزير وزياد الجنابي ( ومعهم كم شيعي تافه وحرامي في الوزارة ) .. تدري زياد الجنابي جاب عمه ( المسجون بزمن صدام بتهريب الادوية وخلاه مستشار بوزارة الصناعة ) وهو يدير مافيا الفساد بمساعدة مدير مكتب الوزير ( تدري لو ما تدري ؟) إذا ما تدري اعتبر هذا المنشور شكوى من مواطن يطالب بالتحقيق في هذه المعلومات لدى النزاهة والهيئات الرقابية ( مع احترامنا للأسماء التي وردت كأشخاص ولكننا نتكلم عن الاداء والضرر بالدولة )
ثانيا : تدري يارئيس الوزراء ( حفظك الله ورعاك ) تدري وزير التربية ( معطي الوزارة لشقيقه هو الذي ينسق مع المدراء العامين داخل الوزارة والمحافظات والكومشن شغال ؟) نطالب بالتحقيق كمواطنين عراقيين .تدري (مدير تربيه البصره شهادته بكالوريوس يكتب بالمخاطبات دكتور) والوزير يخاطبه دكتور، والمحافظ يخاطبه دكتور. والفساد واصل للسقف وصارله ١١ سنة بالمنصب لانه عيداني ؟ ولو القبلية بعهدك ( حفظك الله ورعاك ) منتعشه جدا في العراق !
ثالثا :-وصلنا إلى نتيجة أن الفاسد يكرّم لا بل يفرش له السجاد الأحمر ، والنزيه ياكل ؟؟؟ ؟؟؟؟. معقوله وزراء ووكلاء ومدراء محد يگدر يحاسبهم ؟ معقوله كتلة وزير التربية الذي دمر التربية بعلم رئيس الكتلة وبقت بلا تربية تريدون تعطونه رئاسة البرلمان مع احتراما للاخ ( سالم العيساوي ) ؟ والحلبوسي يريد رئاسة البرلمان إلى الحوت زياد الجنابي ؟ انتم صدگ تحچون ؟
رابعا : مع الاحترام والتقدير لاربع او خمس وزراء في حكومتك يعملون وبنسب متفاوته جزاهم الله خيرا. وهناك وكلاء ومدراء يعملون جزاهم الله خيرا ولكن الأكثرية تحتاج تربية وضبط واخلاق ووطنية وردع !
حسبنا الله ونعم الوكيل !
سمير عبيد
٨ ايار ٢٠٢٤
السابق بوست
القادم بوست